Home
 

Amari biblioteka

Amari shkola kasavi-j, kaj kaverfales sityaren le shavoren, sar ande majbut shkoli, ke amende nasvale shavore sityon. Amari biblioteka ande 1979-to bersh kerdine, kerdas butyi kethane vi la Verseghy Ferenc Bibliotekasa, ba kathar 1995-to bersh korkorri kerel butyi, vi pecheto sila. Si la biblioteka jekh bibliotekaki soba, ba andej organizacija naj korkorri, la shkolasa si kethane, le love e shkola del lake. La bibliotekaricake love e shkola potyinel.

E biblioteka la shkolaki butyi slugarel, kidel la sastyarenga pedagogiake ginadya.

La shkolaki biblioteka shajipe del le shavorenge kaj o rodipe, kaj o sityipe thaj le shavore lashes te hasnisaren pengi slobodo vrama. Amara shkolake butyara thaj sityimaske shave shaj phiren ande amari biblioteka, shaj ingren khere ginadya, vaj shaj ginaven le ginadya andej biblioteka. Le sityimaske shave anda amari biblioteka len unzhule le sityimaske ginadya. Si la biblioteka vi jekh ginavipeski soba peske vudaresa. Shaj keren kathe le sityimaske shave vi kaver dyelura. Le ITK-voske dyelura akanak lasharas.

Le dokumentumoski informacia thaj o unzhulipe amare softverosa keras, le ginadya ande kado programo si. Kado programo aba dulmutano-j, chi zhanas te hasnisaren ande onlajno. Na dulmut lam le Szirenosko programo, akanak seduje programonca keras butyi.

Slugaripeski shajipe:

  • biblotekaki hasnipe thaj unzhulipe le sityarenge thaj le sityimaske shavorenge
  • zhutipe le sityimaske shavorenge kaj la informacijake rodipe
  • bibliotekake hasnipeske chasura
  • zhutipe le sityarenge, le sityimaske shavorenge kaj penge chasoski butyi
  • ginavipeski thaj bibliotekako hasnipeski ekskursija organizisaras

Anda amari biblioteka kamasas te keras jekh kesavi biblioteka, so zurales moderno-j thaj lasho-j la kulturake, la pedagogijake thaj shpecialishona butyake. Kamas kapchipe vi kaj le themeski informacija. Kaj kado kamas te zurales amari informatika, kamas majbute manushenge te das unzhulipesko shajipe, kamas te organizisaras kulturake programura. Amara bibliotekake slugaripe, amara bibliotekake kidipe lashe jilesa das kothe amare foroske, amare krujalipeske sastyaripeske sityarenge.


Top